Çfarë është eduroam?

“Eduroam” (roaming arsimor) është shërbim i sigurt i aksesit në roaming në mbarë botën. Ky shërbim u zhvillua për komunitetin ndërkombëtar të kërkimit shkencor dhe arsimit.

”Eduroam” u mundëson studentëve, kërkuesve dhe stafit nga institucionet pjesëmarrëse të kenë lidhje interneti në të gjithë kampusin e tyre, si dhe kur vizitojnë institucione të tjera që ofrojnë lidhjen me “eduroam”, thjesht duke hapur laptopin e tyre.

Si funksionon eduroam?

“Eduroam” filloi në Evropë për të gjithë komunitetin e kërkimit dhe arsimit dhe tani është i disponueshëm në mbi 100 vende të botës.

“Eduroam” lejon çdo përdorues që është regjistruar pranë “eduroam” të ketë qasje në rrjetet e çdo institucioni të lidhur me “eduroam”.

Me “eduroam” të instaluar në laptop, celular ose pajisje tjetër, nuk ka nevojë të kërkoni llogari të veçanta ose të huazoni ID të njerëzve të tjerë – thjesht aktivizoni pajisjen tuaj dhe duhet të jeni në linjë. Fjalëkalimi juaj për identitetin tuaj online ju jepet nga institucioni ku jeni regjistruar në studime ose jeni i punësuar.

Ku mund të përdoret Eduroam?

“Eduroam” është i disponueshëm në universitete, qendra kërkimore, akademi, shumë shkolla dhe institucione të tjera kërkimore dhe arsimore në më shumë se 100 territore anembanë botës.

Kudo që “eduroam” shfaqet në listën tuaj të rrjeteve Wi-Fi, mund të keni qasje automatike në internet, nëse jeni përdorues i shërbimit “Eduroam”.

Mundësi të reja me eduroam

Duke u lidhur me “eduroam”, ju u ofroni studiuesve, stafit dhe studentëve tuaj qasje në mijëra pika pjesëmarrëse në mbarë botën kur ata udhëtojnë në vendin tuaj ose në mbarë botën.