KREN priti në një takim përfaqësuesit e lartë të Universitetit të Prishtinës – ‘’Hasan Prishtina’’ (UP). Takimi ishte produktiv dhe me qëllim të qartë në interes të komunitetit të edukimit të UP-së. Takimi është përcjellur me diskutime që legjitimuan planifikimet e shumta në mes të dy palëve.
Në takim morën pjesë Rektori i Universitetit të Prishtinës, Prof. Dr. Qerim Qerimi, Pro-Rektori për Kërkime, Projekte, Inovacion dhe Informacion, Prof. Dr. Sefer Avdiaj, dhe zyrtari kryesor për Teknologji Informative, z. Qazim Tahiri.
Qëllimi i këtij takimi ishte thellimi i bashkëpunimit ndërmjet KREN-it dhe UP-së, respektivisht për koordinim të më tejshëm në mes të dy palëve për shfrytëzimin e shërbimeve dhe infrastrukturës së KREN-it, paralelisht me rolet dhe përgjegjësitë legale të dy entiteteve.
Një tjetër pikë shumë e rëndësishme e diskutimit ishte propozimi i KREN-it, për bashkëpunim në organizimin e një konference që i përgjigjet nevojave të komunitetit të edukimit në nivel vendi, duke targetuar temat e epokës së dixhitalizimit në arsim si dhe trendët e saj.
Koordinatorja e projektit KODE, znj. Fjolla Restelica Ahmeti së bashku me koordinatorin e KREN-it, z. Atif Bashani, kanë falënderuar rektorin Qerimi dhe kolegët e tij për vizitën në KREN dhe rritjen e bashkëpunimit.
Të dy njëherësh prezantuan KREN-in, prej themelimit të tij dhe deri më tani, lidhur me progresin e KREN-it dhe planifikimet për të ardhmen, duke theksuar që studentët dhe hulumtuesit e UP-së do të kenë qasje në laboratorë virtuale, softuere, trajnime të avancuara, e projekte të përbashkëta kërkimore me kolegët nga e gjithë Evropa përmes komunitetit pan-europiane GÉANT, ku në vazhdimësi do të ofrohen edhe shërbime të tjera.
Ky takim u përmbyllur me sukses dhe ka ndodhur dje në ambientet e KREN-it, duke e forcuar bashkëpunimin KREN Universiteti i Prishtinës.
Share This Story, Choose Your Platform!
Recent posts
Vizitë në SHFMU ”Dy Dëshmorët ” në Piranë
Gjatë kësaj jave, SHFMU ''Dy Dëshmoret'' në Piranë u vizitua nga ...
TestAB
FORM 1
Aktivizohet rrjeti KREN në shkolla fillore dhe të mesme në Kosovë!
Aktivizohet rrjeti KREN në shkolla fillore dhe të mesme në Kosovë! ...
Related posts
If you enjoyed reading this, then please explore our other articles below